İranda həbsdə olan Fransa vətəndaşları vətənlərinə qayıdırlar

İranda həbsdə olan Fransa vətəndaşları Sesil Koler və Jak Pari ölkələrinə qayıdırlar.

BAKU.WS "Report"a istinadən xəbər verir ki, bu barədə Fransa Prezidenti Emmanuel Makron "X" hesabında yazıb.

"Sesil Koler və Jak Pari artıq azaddırlar və İranda 3,5 illik həbsdən sonra Fransaya yola düşüblər", - o qeyd edib.

Makron vasitəçilik səylərinə və geri qaytarılmasında göstərdikləri köməyə görə Oman hakimiyyətinə və dövlət qurumlarına təşəkkür edib.