İranda "Bəsic" qüvvələrinin kəşfiyyat rəhbəri general İsmayıl Əhmədi öldürülüb

İranın hərbi dairələrində daha bir yüksək vəzifəli şəxsin ölümü ilə bağlı məlumat yayılıb.

BAKU.WS xəbər verir ki, Al Arabiya İran mediasına istinadən məlumat yayıb.

Bildirilib ki, İranın könüllü hərbiləşdirilmiş qurumu olan "Bəsic" qüvvələrinin kəşfiyyat rəhbəri general İsmayıl Əhmədi öldürülüb. Onun ölümünün səbəbləri və hadisənin hansı şəraitdə baş verdiyi barədə hələlik rəsmi açıqlama verilməyib.

Xatırladaq ki, daha əvvəl İran İslam İnqilabı Keşikçiləri Korpusunun (SEPAH) rəsmi sözçüsü Əli Məhəmməd Naininin də öldürüldüyü bildirilmişdi.