İran XİN rəhbəri Azərbaycanla münasibətlərin inkişaf perspektivlərini müzakirə edib

İranın xarici işlər naziri Abbas Əraqçi Bakıdakı səfir Müctəba Dəmirçilu ilə görüşərək Azərbaycanla ikitərəfli münasibətlərin perspektivlərini müzakirə edib.

BAKU.WS xəbər verir ki, məlumat İran XİN rəhbərinin rəsmi Telegram kanalında yayımlanıb. Görüş zamanı səfir Əraqçi ilə Azərbaycanla əlaqələrin hazırkı vəziyyəti barədə fikir mübadiləsi aparıb.

Abbas Əraqçi vurğulayıb ki, yaxşı qonşuluq siyasətini daha səmərəli həyata keçirmək üçün iqtisadi, tranzit, siyasi, mədəni və humanitar sahələrdə əməkdaşlığın davamlı şəkildə gücləndirilməsi və genişləndirilməsi vacibdir.