İran Xarici İşlər Nazirliyinin rəhbəri "müharibəyə hazırlaşmağa" çağırıb

İranın xarici işlər naziri Abbas Əraqçi düşmənə öz gücünü göstərmək üçün mümkün böyük silahlı münaqişəyə hazırlıq görməyə çağırıb.

BAKU.WS Rusiya KİV-ə istinadən xəbər verir ki, o, bu barədə İslam İnqilabı Keşikçiləri Korpusunun (SEPAH) komandanlığı ilə görüşündə deyib.

"Müharibəyə hazırlaşmaq onun qarşısını alır. Əgər onun baş verməsinin qarşısını almaq istəyirsənsə, gücünü ortaya qoymalı, müharibəyə və müdafiəyə hazır olduğunu bəyan etməlisən. Bu, müharibənin qarşısını alacaq. Ən kiçik bir zəiflik nümayiş etdirsəniz, qarşıdurmaya hazır olmadığınızı göstərərsiniz", - deyə onun mətbuat xidməti Əraqçinin sözlərindən sitat gətirib.