İran və ABŞ arasında qapalı danışıqlar keçirilir

İran və ABŞ arasında qapalı formatda danışıqlar aparılır.

BAKU.WS Oxu.Az-a istinadən xəbər verir ki, bu barədə Pakistanın Rusiyadakı səfiri Faysal Niyaz Tirmizi məlumat verib.

Diplomatın sözlərinə görə, münaqişə tərəfləri hazırda da qapalı məsləhətləşmələri davam etdirirlər. Bu təmaslarda irəliləyişin olub-olmadığına dair suala isə Faysal Niyaz Tirmizi müsbət cavab verib.

Eyni zamanda, o, danışıqların keçirildiyi yeri açıqlamayıb.

"Bu, ictimaiyyətə açıq məlumat deyil, amma biz bunun üzərində işləyirik", - deyə səfir qeyd edib.