İran təyyarələrinin Beyruta enməsinə icazə verilməyib

İsrailin ABŞ vasitəsilə göndərdiyi xəbərdarlıqdan sonra İran sərnişin təyyarələrinin Beyrut hava limanına enişinə icazə verilməyib.

BAKU.WS xəbər verir ki, bu barədə "France-Presse" xəbər yayıb.

ABŞ Livan hökumətinə İsrailin İran təyyarələrini vurma ehtimalı barədə xəbərdarlıq göndərib. Nəticədə, Livan hakimiyyəti bu həftə ərzində iki dəfə İran təyyarəsinin Beyrut hava limanına enməsinə icazə verməyib.

İlk dəfə bu hadisə fevralın 13-də baş verib. İsrail ABŞ vasitəsilə xəbərdarlıq edib ki, əgər İran təyyarəsi Livana enərsə, Beyrut hava limanına zərbə endiriləcək. Fevralın 14-də də bu xəbərdarlıq nəticəsində növbəti İran təyyarəsinin enişinə maneə yaradılıb.

İsrail bir neçə dəfə bəyan edib ki, İran Beyrut hava limanını Hizbullaha silah və maliyyə vəsaitlərinin göndərilməsi üçün istifadə edir.