İran rəsmisi ABŞ gəmilərini hədəf almaqla bağlı xəbərdarlıq edib

İranın ali rəhbərinin hərbi müşaviri Möhsün Rzayi ABŞ hərbi gəmiləri ilə bağlı sərt açıqlama verib.

BAKU.WS xəbər verir ki, bu barədə "Iran International" məlumat yayıb.

Məlumata görə, Rzayi Hörmüz boğazı bölgəsində yerləşən ABŞ Hərbi Dəniz Qüvvələrinə məxsus gəmilərin İran raketlərinin hədəfində olduğunu bildirib.

O qeyd edib ki, raketlərin mövqeləri dəyişdirilib və "USS Abraham Lincoln" daxil olmaqla bütün ABŞ gəmiləri hədəf kimi müəyyən edilib.

Rzayi həmçinin bildirib ki, mövcud vəziyyəti atəşkəs deyil, "müvəqqəti sakitlik" kimi qiymətləndirmək olar.