İran İsrailə yeni zərbə dalğasının nəticələrini açıqlayıb

İran ordusu İsrail ərazisinə zərbələr endirib və planlaşdırılan bütün hədəfləri vurub.

BAKU.WS xəbər verir ki, bu barədə İslam İnqilabı Keşikçiləri Korpusuna (SEPAH) istinadən IRIB dövlət televiziyası məlumat verib.

"Doğru vəd 3 əməliyyatının on səkkizinci dalğası Ben Qurion hava limanında və İsrailin digər ərazilərində İsrail ordusunun hərbi hədəfləri və əməliyyat dəstək mərkəzlərinin məhv edilməsi ilə tamamlanıb", - deyə məlumatda bildirilir.

Zərbələrin həyata keçirilməsi üçün raketlər və pilotsuz təyyarələrdən, o cümlədən Şahed-136 pilotsuz təyyarələrindən istifadə edildiyi qeyd edilir.