İran İsrailə yeni hücumda daha güclü raketlərdən istifadə edə bilər

İsrailə cavab hücumunda Tehran əvvəlki hücumlarda istifadə olunmayan daha güclü raketlərdən istifadə edə bilər.

BAKU.WS xəbər verir ki, bu barədə "Wall Street Journal" məlumat yayıb.

Oktyabrın 1-də İsrailə son hücumunda İran ilk növbədə "Emad", "Ghadr", "Xeybar Shekan" və "Fattah" orta mənzilli ballistik raketlərdən istifadə edib.

İsrail Müdafiə Qüvvələri oktyabrın 26-da İrana cavab zərbəsi endirib. İsrail qırıcıları da İranın hava hücumundan müdafiəsini korlamaq üçün İraq və Suriyaya zərbələr endirib.

Mənbənin sözlərinə görə, Tehran yeni hücumda oktyabrın əvvəlində istifadə ediləndən daha güclü döyüş başlıqlarına malik raketlərdən istifadə etməyi planlaşdırır.

Hücumda təkcə İslam İnqilabı Keşikçiləri Korpusu (SEPAH) deyil, nizami ordu da iştirak edəcək.