İran hücuma məruz qalan nəhəng neft tankerinin fotosunu yayıb

İran Küveyt bayrağı altında üzən "Al-Salmi" adlı neft tankerinə edilən hücumdan sonra çəkilmiş görüntüləri ictimailəşdirib.

BAKU.WS xəbər verir ki, fotolar İRİB-in "Telegram" kanalında paylaşılıb və zərbənin nəticələrini əks etdirir.

Bildirilir ki, bu gün səhər saatlarında Hörmüz boğazından qanunsuz keçməyə cəhd edən və qaydaları pozan Küveyt neft tankeri vurulub.

Qeyd olunur ki, martın 31-i səhər tezdən Küveyt bayrağı altında hərəkət edən "Al-Salmi" tankeri Dubay sahilləri yaxınlığında İran tərəfindən hücuma məruz qalıb. Hücumdan sonra təxminən 2 milyon barel (hazırkı qiymətlərlə təxminən 200 milyon dollar dəyərində) yük daşıyan gəmidə yanğın baş verib.