İran ABŞ hərbçilərinin əsir götürüldüyünü iddia edib

İran rəsmisi ABŞ hərbçilərinin əsir götürüldüyünü iddia edib.

BAKU.WS xəbər verir ki, İranın Ali Milli Təhlükəsizlik Şurasının katibi Əli Laricani ABŞ Silahlı Qüvvələrinin bir neçə hərbçisinin əsir alındığını açıqlayıb.

O, bu barədə sosial şəbəkə hesabında paylaşım edib.

Laricani bildirib ki, İran qüvvələri tərəfindən keçirilən əməliyyatlar zamanı amerikalı hərbçilər ələ keçirilib. Lakin iddia ilə bağlı əlavə təfərrüatlar açıqlanmayıb.

Bununla yanaşı, ABŞ Mərkəzi Komandanlığının nümayəndəsi məsələ ilə bağlı "Əl‑Cəzirə" telekanalına açıqlama verib. O bildirib ki, İran tərəfinin amerikalı əsgərlərin əsir götürülməsi barədə yaydığı məlumatlar həqiqəti əks etdirmir və bunu "dezinformasiya" adlandırıb.