İran 3800 kilometr məsafədə yerləşən ABŞ-Britaniya bazasına ballistik raketlər atıb

İran Hind okeanında yerləşən Dieqo-Qarsiya adasındakı Böyük Britaniya və ABŞ-nin birgə hərbi obyektinə zərbə endirməyə cəhd edib.

BAKU.WS xəbər verir ki, bu barədə "The Wall Street Journal" məlumat yayıb.

Bildirilib ki, İran ölkə ərazisindən təxminən 3 800 kilometr məsafədə yerləşən Dieqo-Qarsiya adasına doğru iki ballistik raket buraxıb. Lakin raketlər hədəfə çatmayıb.

Məlumata görə, ABŞ hərbçiləri təhlükənin qarşısını almaq məqsədilə "SM-3" tipli zenit-raket kompleksi vasitəsilə ələkeçirmə cəhdi ediblər. Bununla belə, əməliyyatın nəticəsi ilə bağlı rəsmi açıqlama verilməyib.