İkardi boşanmaq üzrə olan Vanda ilə videosunu yaydı :"2 saat evimin qarşısında... "

"Qalatasaray"ın ulduz hücumçusu Mauro İkardi ilə həyat yoldaşı Vanda Nara arasındakı gərginlik davam edir.

BAKU.WS xəbər verir ki, İkardinin ondan boşanmaq istəyini həzm edə bilməyən Vanda bu dəfə həyat yoldaşının evinə gedərək onu narahat edib.

Bu barədə İkardi şəxsi instaqram hesabında video yayıb.

Həyat yoldaşı Vandanın iki saatdan çoxdur ki onun evində olduğunu və hərəkətləri ilə onu əsəbiləşdirib narahat etdiyini vurğulayıb.

"Haqqımda deyilənlərin hamısından sonra özümü müdafiə etmək üçün bunu ictimaiyyətə bildirmək istəyirəm. 2 saat evimin qarşısında dayandı və məni təhqir etdi. Buna nə ad vermək olar axı?!" -deyə, İkardi bildirib.

Cütlüyün bu videosu bütün maqazin saytlarında paylaşılaraq viral olub.

Xatırladaq ki, İkardiyə repçi L-Qante ilə xəyanət edən Vanda Nara boşanma prosesində İkardidən sərvət istəyib.

Bunlar arasında İtaliyada, Argentina və Parisdə yerləşən ümumi dəyəri 10 milyon avro olan malikanələr o cümlədən milyon avroluq təzminat var.