Gürcüstanda 10 yaşlı azərbaycanlını maşın vurub öldürdü

Marneuli-Bolnisi magistralının Kolayır kəndi ərazisində yüksək sürətlə hərəkət edən avtomobil 10 yaşlı azərbaycanlı Eldar Hüseynovu vuraraq öldürüb.

BAKU.WS gürcü KİV-ə istinadən xəbər verir ki, hadisədən sonra Marneulidə yerləşən Aversi klinikasının önündə və şəhərin 26 May ərazisində gərginlik yaşanıb.

Mərhumun yaxınları uşağın meyitinin ailəyə məlumat verilmədən xəstəxanadan çıxarılaraq, ekspertizaya aparılmasına etiraz ediblər.

Daxili İşlər Nazirliyindən bildirilib ki, faktla bağlı Cinayət Məcəlləsinin 276-cı maddəsi ilə istintaqa başlanılıb.