"Gündə iki toyuq yumurtası kifayət edər" - Serbiyalı nazirin bu fikirləri əks-səda doğurdu

Adekvat qidalanma üçün bir insana gündə yalnız iki toyuq yumurtası lazımdır.

BAKU.WS Rusiya mətbuatına istinadən xəbər verir ki, bunu Serbiyanın ticarət naziri Tomislav Momiroviç deyib.

Siyasətçi hökumətin təqdim etdiyi proqram çərçivəsində ucuz ərzaq məhsullarını sadalayıb. "Bir yumurtanın qiyməti 11 dinardır (indiki məzənnə ilə 18 qəpik). İki yumurtalı nahar - 22 dinar edir. Bu, insanı bütün günü doydura bilən yeməkdir", - deyə siyasətçi canlı yayımda bildirib. Aparıcı dərhal ona düzəliş edib və Momiroviç bütün günü yeyə biləcəyinizi deyil, sırf iki yumurtanın kalorili məzmununu nəzərdə tutduğunu söyləyərək fikri yenidən formalaşdırıb.

Lakin Serbiya cəmiyyətində siyasətçinin sözləri sərt reaksiyaya səbəb olub. İnternet istifadəçiləri onları hərfi mənada qəbul edərək Momiroviçin sözlərini ələ salmağa başlayıblar.