Ferdi Tayfurun ölərkən son istəyi nə olub?

Mərhum müğənni Ferdi Tayfurun son istəyinin nə olduğu açıqlanıb.

BAKU.WS xəbər verir ki, bu barədə Türkiyə KİV-ə sənətçinin yaxın dostu Kenan Çınar bildirib.

Onun sözlərinə görə, Ferdi son anlarında küsülü olduğu qızı Tuğçe ilə barışmaq istədiyini bildirib.

Xatırladaq ki, Ferdi Tayfur yanvarın 2-də Antalyada müalicə aldığı xəstəxanada vəfat edib. Onun ailəsinə və yaxınlarına xeyli daşınmaz əmlakı miras qalıb.

Sənətçi 79 yaşında idi. Onun "Çeşme", "Hatıran yeter", "Emmioğlu", "Bana sor", "Ben de özledim" kimi mahnıları populyardır.