Ferdi Tayfurun mirasından bir hissə Türkiyə Silahlı Qüvvələrinə və Leykoz xəstəsi uşaqlara veriləcək

Mərhum müğənni Ferdi Tayfurun yazdığı vəsiyyəti açıqlanıb. 

BAKU.WS xəbər verir ki, sənətçinin 3 milyard lirəlik sərvətinin bir hissəsini Türkiyə Silahlı Qüvvələrinə, "Darüşşafaka" vəqfinə və  Leykoz xəstəsi uşaqların sağlamlıq və təhsil fonduna (LÖSEV) vəsiyyət etdiyi ortaya çıxıb. 

Qalan miras isə onun 4 övladı arasında bölünəcək. Belə ki, iddialara görə vəsiyyətnamədə sənətçinin qızı Tuğçe Tayfurun adı yer alımayıb. 

Xatırladaq ki, Ferdi Tayfur bu ilin yanvarın 2-də böyrək və qaraciyər çatışmazlığından vəfat edib.  O "Çeşme", "Hatıran Yeter", "Emmioğlu", "Bana sor", "Ben de Özledim" kimi mahnılarla məşhurlaşmışdı.