Ermənistanlı nazir: Azərbaycan vasitəsilə gətirilmiş buğdadan hazırlanan çörəyi ilk dadmağa hazıram

Ermənistanın iqtisadiyyat naziri Qevorq Papoyan Azərbaycandan tranzitlə gətirilən Qazaxıstan buğdasından hazırlanan çörəyi ilk dadmaq istədiyini bildirib.

BAKU.WS Ermənistan KİV-ə istinadən xəbər verir ki, o bu barədə sosial şəbəkə hesabında paylaşım edib:

"Bu buğdadan bişirilən çörəyi birinci dadmağa hazıram", - Papoyan qeyd edib.

Qeyd edək ki, daha əvvəl Qazaxıstandan yola çıxan və təxminən 1 000 ton dördüncü sinif buğda daşıyan qatar Qazaxıstan, Rusiya, Azərbaycan və Gürcüstan ərazisindən keçərək Ermənistana çatıb. Bu tədarük Azərbaycanın tranzit yük daşımalarına qoyduğu məhdudiyyətləri aradan qaldırmasından sonra mümkün olub.