Əfqanıstanda 18 gündür davam edən yağış və daşqınlarda 189 nəfər ölüb

Əfqanıstanda son 18 gündə təsirli olan güclü yağışlar və daşqınlar ciddi itkilərə səbəb olub.

BAKU.WS xəbər verir ki, ölkənin Milli Fəlakətlərin İdarəolunması qurumunun məlumatına əsasən, təbii fəlakətlər nəticəsində 189 nəfər həyatını itirib.

Rəsmi məlumatda bildirilir ki, daha 9 nəfər itkin düşmüş hesab olunur, 253 nəfər isə yaralanıb.

Qeyd olunub ki, daşqınlar nəticəsində 1303 ev tamamilə dağılıb, 5800 ev isə qismən zərər görüb.

Məlumata görə, Əfqanıstanın böyük hissəsi martın 25-dən etibarən güclü yağış, külək və sel hadisələri ilə mübarizə aparır.