Dron təhlükəsinə görə "Domodedovo"da gözləyən musiqiçilər konsert verdilər

Rusiyanın "Domodedovo" hava limanında maraqlı və qeyri-adi hadisə yaşanıb.

BAKU.WS xəbər verir ki, Kremlin Brass Orkestrinin musiqiçiləri buradakı sərnişinlər üçün improvizə olunmuş konsert təşkil ediblər.

Onlar planlaşdırılan uçuşlarını həyata keçirə bilmədiklərinə görə gözləmə zalında çıxış ediblər.

Uçuşların gecikməsinə səbəb isə hava məkanında müşahidə olunan pilotsuz uçuş aparatları (dronlar) təhlükəsi olub. Bu təhlükə səbəbilə yalnız "Domodedovo" deyil, həm də "Vnukovo" və "Şeremetyevo" hava limanlarında da uçuşlara məhdudiyyətlər tətbiq olunub.

Hazırda bütün üç hava limanında fəaliyyət bərpa olunub.