Donald Trampın inaqurasiyasını 24 milyondan çox insan izləyib

ABŞ-nin hazırkı prezidenti Donald Trampın inaqurasiyasını 24 milyondan çox insan izləyib.

BAKU.WS TASS xəbər agentliyinin məlumatına istinadən xəbər verir ki, yanvarın 20-də baş tutan mərasimi ümumilikdə 24,6 milyon tamaşaçı izləyib.

Bu göstərici Nielsen şirkətinin media auditoriyasını ölçmə məlumatlarına əsaslanır. İzləyicilər mərasimi yerli vaxtla saat 10:30-dan 19:00-a qədər (Bakı vaxtı ilə yanvarın 20-də saat 19:30-dan yanvarın 21-də gecə yarısına qədər) yayımlanan 15 fərqli şəbəkə vasitəsilə izləyiblər.

Qeyd edək ki, Nielsen-in məlumatlarına əsasən, 2021-ci ildə Co Baydenin inauqurasiyası 33,8 milyon tamaşaçı cəlb edib. Donald Trampın 2017-ci ildəki ilk inauqurasiyası isə 31 milyon izləyici toplayıb.