Dekabrın 8-i Suriyada milli bayram elan edildi

Suriya Müxalif və İnqilabçı Qüvvələrinin Milli Koalisiyası dekabrın 8-ni ölkədə milli bayram elan edib.

BAKU.WS Oxu.Az-a istinadən xəbər verir ki, bu barədə "Anadolu" agentliyi məlumat yayıb.

Koalisiya 61 illik Bəəs rejiminin süqutunu və Suriyanın Bəşər Əsədin hakimiyyətindən qurtuluşunu vurğulayıb.

"Bu gün şəhidlərin, qurbanların, məhbusların, köçkünlərin və məzlumların qələbə günüdür", - müxalifətin bəyanatında deyilir.

Koalisiya hakimiyyətin keçid administrasiyasına verilməsi prosesini tamamlamaq üçün işləri davam etdirəcəklərini və yeni Suriyanın inşasında bütün ölkələrlə strateji əməkdaşlığa hazır olduqlarını bildirib.