"Buratino" filminin remeykinin çəkilişləri zamanı aktrisanın halı pisləşib

"Buratino" filminin çəkilişləri zamanı rusiyalı aktrisa Svetlana Nemolyayevanın halı pisləşib.

BAKU.WS xəbər verir ki, bu barədə "Mash" teleqram kanalı məlumat yayıb.

Təzyiqdən əziyyət çəkən aktrisa az qala huşunu itirib. Həkimlər ona kömək göstərib, klinikaya getməyi məsləhət görüblər. Çəkilişlər bir saat sonra davam etdirilib.

Nemolyaevanın huşunu itirməyi ürək problemləri ilə əlaqələndirir. Eyni zamanda, o, işləməyə davam edəcəyini bildirib. Məlumata görə, sabah aktrisanın Mayakovski Teatrında tamaşası var.

Qeyd olunub ki, bir ay əvvəl sənətçidə COVID-ə bənzər simptomlar müşahidə edilib, lakin diaqnozun kəskin yuxarı tənəffüs yollarının infeksiyası olduğu təsdiqlənib. O, xəstəlik məzuniyyətində olmasına baxmayaraq, işləməyə davam edib.

Rusiyanın xalq artisti oktyabrın 17-də evdə olarkən ürəyində yaranan problemlərdən şikayətlənib.