Bu markaya məxsus oyuncaqda pozuntu aşkarlanıb - Məhsullar yığışdırılır

Türkiyənin Ticarət Nazirliyi tərəfindən aparılan yoxlamalar çərçivəsində daha bir oyuncaq məhsulunda qayda pozuntusu aşkar edilib.

BAKU.WS Haber Global-a istinadən xəbər verir ki, əhalinin sağlamlığına təhlükə yaradan bu məhsulların bazardan geri çağırılması barədə qərar qəbul edilib.

Məlumata görə, Türkiyənin Ticarət Nazirliyi tərəfindən aparılan yoxlamalar çərçivəsində, Təhlükəsiz Məhsul Məlumat Sistemi (GÜBİS) vasitəsilə edilən bir şərhdə, bir məhsulun istifadəçi sağlamlığı üçün risk yaratdığı qeyd edilib. Araşdırmalar zamanı pozuntuların məhsulun sağlamlığa təhlükə yaratdığı müəyyən olunub.

"Sozzy Toys" markalı oyuncağın "Boğulma (Ağız və burun xaricində tənəffüs yollarının tıxanması), Asfiksiya (Ağciyərlərə xaricdən hava axınının mexaniki maneəsi), Sağlamlıq Riski (Digər)" səbəbiylə bazardan geri çağırılması qərarı verilib.