Bu gecə "Qanlı Ay" müşahidə olunacaq

Bu gecə, təxminən iki il yarımdan sonra Ay qırmızımtıl çalara bürünəcək. Bu nadir hadisə "Qanlı Ay" adlanır.

BAKU.WS xəbər verir ki, bu barədə xarici KİV məlumat yayıb.

"Qanlı Ay" termini elmi anlayış olmasa da, Ay tutulması zamanı təbii peykimizin pas rənginə bənzəyən qırmızı çalar almasını təsvir etmək üçün istifadə olunur. Bəzən bu termin iki il ərzində eyni nöqtədən müşahidə edilən dörd tam Ay tutulmasını ifadə etmək üçün də işlədilir.

Adətən, eyni nöqtədən on il ərzində dörd-beş tam Ay tutulması görmək mümkündür. Lakin dörd tutulmanın ardıcıl baş verməsi nadir astronomik hadisələrdən hesab olunur.

"Qanlı Ay" niyə qırmızı görünür?

Dünya Günəş işığını kəsərək kosmosa kölgə salır. Bununla yanaşı, planetimizin atmosferi müəyyən miqdarda işığın keçməsinə imkan yaradır.

Atmosferdəki qaz təbəqələri bəzi işıq şüalarını sındırır, havada olan hissəciklər isə müəyyən dalğa uzunluqlarını daha çox yayır.

Xüsusilə qısa mavi dalğa uzunluqları əvəzinə, daha uzun qırmızı dalğa uzunluqları yayıldığı üçün Ayın səthi qırmızımtıl görünür. Bu hadisə gündüz səmanın mavi, gün batımı və gün doğumu zamanı isə daha çox narıncı və qırmızı çalarlarda görünməsinə bənzəyir.

Dünya kölgə saldıqda, bu işıq sındırılaraq Ayın səthinə çatır və ona "Qanlı Ay" adını verən qırmızımtıl çalar bəxş edir. Bu möhtəşəm təbiət hadisəsini izləmək istəyənlər üçün ideal şəraitin gecə saatlarında yaranacağı gözlənilir.