Bosfor boğazı ilə nəqliyyatın hərəkəti hər iki istiqamətdə dayandırılıb

Sıx duman səbəbindən Bosfor boğazı ilə nəqliyyatın hərəkəti hər iki istiqamətdə dayandırılıb.

BAKU.WS xəbər verir ki, bu barədə Türkiyənin Nəqliyyat Nazirliyi məlumat yayıb.

Oktyabrın 16-da səhər saatlarında İstanbulun ondan çox rayonunu qatı duman bürüyüb. Şəhərdə nəqliyyatın hərəkətində çətinlik yaranıb. Hava şəraiti ilə əlaqədar olaraq şimal və cənub istiqamətlərində gəmilərin Bosfor boğazından keçməsi müvəqqəti olaraq qadağan edilib.

Bundan əlavə, boğazda fəaliyyət göstərən bərə reysləri də ləğv edilib.