"Bloomberg": Rusiyanın ən varlı iş adamlarının sərvəti 11,572 milyard dollar artıb

2025-ci ilin əvvəlindən etibarən Rusiyanın ən varlı sahibkarlarının sərvəti 11,572 milyard dollar artıb.

BAKU.WS xəbər verir ki, bu barədə Bloomberg agentliyinin açıqladığı Bloomberg Milyarderlər İndeksində qeyd olunub.

İndeksə əsasən, Rusiyanın ən böyük dəmir filizi istehsalçısı Metalloinvestin səhmdarı Əlişir Usmanov ilin əvvəlindən 3,91 milyard dollar qazanaraq sərvətini 17,1 milyard dollara çatdırıb. Rusiya Federasiya Şurasının üzvü Süleyman Kərimov isə sərvətini 2,3 milyard dollar artıraraq 9,34 milyard dollara yüksəldib.

Bununla yanaşı, NLMK-nın Direktorlar Şurasının sədri Vladimir Lisin ən böyük itkiyə məruz qalıb. Onun sərvəti 2,38 milyard dollar azalaraq 23,4 milyard dollara düşüb.

Bloomberg agentliyi 2012-ci ilin mart ayından etibarən dünyanın ən varlı 500 insanının sərvəti barədə məlumatları əks etdirən Bloomberg Milyarderlər İndeksini yayımlayır.