Bengü boşandıqdan sonra ilk konsertində səhnəyə çıxdı

Bir neçə gün əvvəl həyat yoldaşı Selim Selimoğlundan boşanan müğənni Bengü sənətinə qaldığı yerdən davam edir.

BAKU.WS xəbər verir ki, sənətçi ilk dəfə İzmirdə sevənləri qarşısına çıxıb. Bengü gecə boyunca sevilən hitlərini səsləndirib. İfaçı qəmli mahnılarında təsirli anlar yaşasa da bunu sevənlərinə çox da hiss etdirməyib.

Xatırladaq ki, Bengü ilə Selim 2018-ci ildə ailə qurub. Cütlüyün iki övladı var.

Son bir ildir sənətçinin həyat yoldaşı Selim Selimoğlunun çoxlu qumar borcu olduğu deyilir. Bengü ilə həyat yoldaşı sosial şəbəkədə tanış olub.