Antalyada qasırğa fəsadlar törədib

Antalyanın Manavqat rayonunda baş verən qasırğa nəticəsində bir mebel sexi, üçbucaqlı ev, motokaravan və 9 avtomobilə ciddi ziyan dəyib.

BAKU.WS trt haber-ə istinadən xəbər verir ki, can itkisi olmasa da, qısa müddətdə böyük dağıntılar qeydə alınıb.

Hadisə zamanı üçbucaqlı ev 20 metr məsafəyə sürüklənərək dağılıb, bəzi avtomobillər isə ağır zədələnib. İş yeri sahibi zərərin 8-10 milyon TL civarında olduğunu bildirib.

Hazırda bölgədə rəsmi qurumlar tərəfindən ziyan dəyərləndirmə işləri aparılır.