Ankarada mikroavtobus ilə yük maşını toqquşub, ölən və yaralananlar var

Türkiyənin paytaxtı Ankarada mikroavtobus yük maşını ilə toqquşub.

BAKU.WS xəbər verir ki, bu barədə "Haber Global" məlumat yayıb.

Hadisə yerinə jandarm, polis, yanğınsöndürən və təcili tibbi yardım briqadaları cəlb edilib.

Qəza nəticəsində 1 nəfər hadisə yerində həyatını itirib, 16 nəfər isə müxtəlif dərəcəli xəsarətlər alıb.

İlkin tibbi yardım göstərildikdən sonra yaralılar yaxınlıqdakı xəstəxanalara çatdırılıb.

Qəza ilə bağlı araşdırma başlanılıb.