ABŞ və İran arasında yeni razılaşma: Hörmüz boğazı açılır?

ABŞ və İran arasında 60 günlük atəşkəs rejiminin uzadılmasını nəzərdə tutan razılaşmanın imzalanmasına yaxın olunduğu bildirilir.

BAKU.WS xəbər verir ki, bu barədə "Axios" nəşri məlumat yayıb.

Məlumata görə, mümkün razılaşma çərçivəsində Hörmüz boğazının yenidən açılması, İranın neft ixracını sərbəst şəkildə həyata keçirməsi və bölgədə gəmi hərəkətinin təhlükəsizliyinin təmin olunması nəzərdə tutulur.

Bildirilir ki, Tehran boğazda yerləşdirilən minaların təmizlənməsi və gəmilərin maneəsiz keçidinə şərait yaradılması ilə bağlı öhdəlik götürə bilər.

Razılaşmada həmçinin İranın heç vaxt nüvə silahı əldə etməməsi, eləcə də uranın zənginləşdirilməsi proqramının məhdudlaşdırılması ilə bağlı danışıqların davam etdirilməsi məsələlərinin yer aldığı qeyd olunur.