ABŞ-dən İrana sərt siqnal: Ən böyük aviadaşıyıcı Aralıq dənizinə daxil oldu

Ötən gün ABŞ Hərbi Dəniz Qüvvələrinin "USS Gerald R.Ford" adlı aviadaşıyıcısı Cəbəllütariq boğazından keçərək Aralıq dənizinə daxil olub.

BAKU.WS Oxu.az-a istinadən xəbər verir ki, gəminin bölgədə peyda olması ABŞ-nin İrana qarşı mümkün hərbi addımları ilə bağlı şayiələr fonunda diqqət cəlb edib.

Qeyd edək ki, "USS Gerald R.Ford" ABŞ donanmasının ən böyük və texnoloji cəhətdən ən inkişaf etmiş aviadaşıyıcısıdır. Onun bölgədə yerləşdirilməsi Vaşinqtonun hava və dəniz əməliyyatlarının keçirilməsi imkanlarını artırır.