ABŞ-də təyyarə uçuş-enmə zolağında sürüşərək suya düşdü: 5 yaralı

ABŞ-nin Oreqon ştatında kiçik tipli təyyarənin uçuş-enmə zolağından sürüşərək suya düşməsi nəticəsində 5 nəfər xəsarət alıb.

BAKU.WS Southwest Oregon Regional Hava Limanı hadisə ilə bağlı sosial şəbəkə üzərindən açıqlama yayıb. Bildirilib ki, 2019-cu il istehsalı olan "HA-420" tipli təyyarə səhər saatlarında Oreqon ştatından Yutaha uçmaq üçün hazırlaşarkən nəzarətdən çıxaraq uçuş-enmə zolağından sürüşüb və suya düşüb.

Təyyarə sonradan sudan çıxarılıb. Qəzada xəsarət alan 5 nəfər xəstəxanaya yerləşdirilib.

Hadisə ilə bağlı araşdırma aparılır.