80000-lik çəkməsi ilə yoxsul məhəlləni ziyarət edən vəzifəli qadın tənqid edildi

Türkiyənin Adana şəhərində müzakirələrə səbəb olacaq hadisə yaşanıb.

BAKU.WS xəbər verir ki, partiyalardan birinin sədr müavini Filiz Kepme maddi imkanı olmayan, yoxsul məhəllələrdən birini ziyarət edib.

O həmin əraziyə 80 000 lirəlik (3200 AZN) bahalı çəkməsi ilə gedib. Filiz Kepmenin bu ziyarətindən olan fotolar sosial şəbəkələrdə yayılıb.

Onun ayaqyalın uşaqla çəkilən fotosu rezonansa səbəb olub.

Sosial şəbəkə izləyiciləri uşağın ayaqyalın olduğu halda, Filiz Kepmenin ayağındakı bahalı çəkməyə etiraz ediblər.