İstanbulda güclü zəlzələ oldu, 8 nəfər yaralandı - YENİLƏNİB

BAKU.WS “Posta”ya istinadən xəbər verir ki, Türkiyə Prezidenti Rəcəb Tayyib Ərdoğan zəlzələ ilə bağlı danışıb.O deyib ki, zəlzələ nəticəsində 8 nəfər yüngül xəsarət alıb, bəzi binalarda çatlar meydana gəlib.Onun sözlərinə görə, 5,8 ballıq yeraltı təkandan sonra 28 avtoşok qeydə alınıb.Ərdoğan xalqı təmkinli olmağa, yalan məlumatlara etibar etməməyə çağırıb.***15:14***İstanbul şəhərində 5,8 bal gücündə zəlzələ baş verib.BAKU.WS "Posta"ya istinadən xəbər verir ki, Avropa Aralıq dənizi Seysmoloji Mərkəzindən məlumat verilib.Yerli vaxtla 13:59-da qeydə alınan zəlzələnin episentri İstanbulun mərkəzindən 67 km uzaqda, Silivri sahilində yerin 12 km dərinliyində yerləşib.Yeraltı təkan İstanbula yaxın rayonlardan da hiss edilib.Dağıntı və itkilərin olması barədə hələlik məlumat yoxdur.