3 yaşlı uşaq şahmatda dünya rekordu qırdı

Hindistanlı Sarvagya Singh Kuşvaha cəmi 3 yaşında rəsmi şahmat reytinqi (FIDE) qazanaraq dünya rekorduna imza atıb. O, beləliklə, tarixdə beynəlxalq şahmat reytinqi alan ən gənc oyunçu olub.

BAKU.WS xarici mediaya istinadən xəbər verir ki, Kuşvaha bununla daha əvvəl rekord sahibi olan həmvətəni Aniş Sarkarı geridə qoyub. Məlumata görə, o, yaşadığı əyalətdə keçirilən yarışlarda reytinqli üç şahmatçıya qalib gəlib və onun sürətli şahmat üzrə göstəricisi 1572 olaraq qeyd edilib.

Uşağın atası Siddharth Singh açıqlamasında bunun onlar üçün böyük qürur olduğunu bildirib və oğlunun gələcəkdə "Qrossmeyster" olmasını arzuladıqlarını deyib.