28 yaşlı sosial media fenomeni qaçırılaraq öldürülüb – 7 həftəlik hamilə olduğu üzə çıxıb

Hindistanda 28 yaşlı sosial media fenomeni Manjeet Kaur ağır hücumdan sonra xəstəxanada həyatını itirib.

BAKU.WS xəbər verir ki, Kaurun anasının iddiasına görə, gənc qadın iyulun 3-də iki tanışı tərəfindən qaçırılıb, Morinda yaxınlığındakı meşəlik əraziyə aparılaraq ağaca bağlanıb və yandırılıb.

Bədəninin 40-45 faizi yanıq olan Kaur təxminən iki ay müalicə olunub. O, avqustun 26-da vəfat edib.

Hadisədən sonra aparılan ekspertizada Kaurun ölümündən əvvəl təxminən 7 həftəlik hamilə olduğu müəyyənləşib. Polis iki şübhəli barədə adam oğurluğu və qətl işi açıb, araşdırma davam edir.