Türkiyədə baş verən dəhşətli zəlzələ dəmir yollarını bu hala salıb - FOTO

Episentri Kahramanmaraş olan və Türkiyənin 10 vilayətində baş verən güclü zəlzələ ölkənin 1 275 km dəmir yolu xəttinə ziyan vurub.

BAKU.WS xəbər verir ki, təbii fəlakət zamanı 307 yük vaqonu və 9 lokomotiv xətlərin sıradan çıxması nəticəsində yolda qalıb.

Həmçinin stansiyalarda gözləyən, hərəkətdə olan 16 yük vaqonu və 4 vaqondan ibarət dizel qatarı da zərər görüb.

Hazırda 215 kilometrlik dəmir yolunda (İslahiye - Fevzipaşa, Fevzipaşa - Nurdağı, Köprüağzı - Kahramanmaraş, Pazarcık - Malatya) bərpa işləri görülür.

Qeyd edək ki, fevralın 6-da 7,7 və 7,6 bal gücündə baş verən zəlzələlər Türkiyədə böyük dağıntılara səbəb olub. Bu dəqiqəyə kimi Türkiyədə təbii fəlakət zamanı 35 mindən çox insan həyatını itirib. Yaralıların sayı isə 105 mini keçib.

Qalereya