Ailəsini zəlzələdə itirən ata qızı dağıntılar altından çıxarılarkən hönkür-hönkür ağladı - VİDEO

Türkiyənin Kahramanmaraş bölgəsində 7 mərtəbəli binanın dağıntıları altında qalan 20 yaşlı Melisa zəlzələdən 51 saat sonra xilas edilib.

BAKU.WS xəbər verir ki, həyat yoldaşı və 2 uşağını itirən ata isə qızı Melisanın sağ olduğunu görərkən göz yaşlarını saxlaya bilməyib.

Qeyd edək ki, Melisanın xilas olunması onun yardım üçün səslənməsindən sonra baş tutub. Belə ki, xilasedicilər 20 yaşlı qızın səsini eşitdikdən sonra onu dağıntılar altından çıxarmağa müvəffəq olub.