Aİ Rusiya neftinə qismən qadağa qoyulması ilə bağlı razılığa gəlib
![Aİ Rusiya neftinə qismən qadağa qoyulması ilə bağlı razılığa gəlib](https://baku.ws/storage/photos/thumbs/large/1653972719_bda4a10f-808d-35f9-8735-31b7ea528b10_850.webp)
Avropa İttifaqı ölkələri Rusiya neftinin üçdə ikisinin idxalına embarqo qoyulması barədə razılığa gəliblər.
BAKU.WS “Report”a istinadən xəbər verir ki, bunu Avropa İttifaqı Şurasının Prezidenti Şarl Mişel bəyan edib.
“Rusiya neftinin Aİ-yə ixracını qadağan edən razılaşma. Bu, Rusiyanın neft idxalının üçdə ikisindən çoxunu əhatə edir və onun döyüş maşını üçün böyük maliyyə mənbəyini kəsir. Müharibəni bitirmək üçün Rusiyaya maksimum təzyiq”, - o, tviterdə yazıb.
Şarl Mişel əlavə edib ki, Avropa İttifaqı liderləri həmçinin “Sberbank”ın SWIFT-dən ayrılmasını da təsdiqləyiblər:
“Bu sanksiyalar paketinə digər sərt tədbirlər də daxildir: Rusiyanın ən böyük bankı “Sberbank”ın SWIFT-dən ayrılması, Rusiyanın daha üç dövlət yayımçısına qadağa qoyulması və Ukraynada hərbi cinayətlərə görə məsuliyyət daşıyanlara qarşı sanksiyaların tətbiqi”.
Oxşar xəbərlər
Şarl Mişel Rusiyanı dezinformasiya yaymamağa çağırdı
Avropa İttifaqı (Aİ) Şurasının Prezidenti Şarl Mişel Rusiyanı dezinformasiya yaymamağa çağırıb. BAKU.WS "Report"a istinadən xəbər verir ki, bu barədə Şarl Mişel...