055 213 76 73
İsrail Prezidenti İsaak Hersoq Ankarada türkiyəli həmkarı Rəcəb Tayyib Ərdoğanla birgə mətbuat konfransında vacib açıqlamalar verib.
BAKU.WS-in məlumatına görə, İsrail Prezidenti iki ölkə arasında dostluq əlaqələrinin inkişafı üçün təməllər qoymaq istədiyini dilə gətirib:
"Təəssüf ki, son illər ölkələrimiz arasında münasibətlər gərgin dövr keçib. İnanıram ki, ölkələr arasındakı münasibətlər qarşılıqlı hörmət ruhunu əks etdirən hərəkətlərlə araşdırılacaq və bizə regional məsələlərlə daha yaxşı məşğul olmaq imkanı verəcək.
İsrail və Türkiyə hamımızın vətən adlandırdığımız bu bölgəyə dramatik təsir edəcək bir çox sahələrdə əməkdaşlıq edə bilər və etməlidir".
İsaak Hersoq əlavə edib ki, Türkiyə Xarici İşlər naziri gələn ay İsrailə səfər edəcək və israilli həmkarı ilə danışıqlar aparacaq:
"Bu, qeyd edilən dialoqun davamını mümkün edəcək. Biz bu dialoqu hər yerdə yaşamalıyıq. Məqsədimiz ölkələrimiz və xalqlarımız arasında dostluq əlaqələrinin inkişafı üçün təməllər qoymaqdır".
İki ölkə xalqları arasında əlaqələrin çox qədim, güclü tarixi, dini və mədəni köklərə malik olduğunu bildirən Hersoq Türkiyəyə dəvət olunduğu üçün Prezident Ərdoğana təşəkkür edib: "Buraya səfərim İsrail prezidenti vəzifəsinə gəldiyim vaxtdan başlatdığınız dialoqun və təqdirəlayiq əlaqənin davamıdır".
