Ürəyin təbii xilaskarı - Həm ucuz, həm də əlçatan

Qidalanma üzrə tədqiqatçılar ən çox yayılmış tərəvəzlərdən birini - çuğunduru ürəyin əsl təbii xilaskarı adlandırıblar.

Nitratların, antioksidanların və vitaminlərin yüksək olması səbəbindən çuğundurun müntəzəm istifadəsi ürək-damar xəstəlikləri riskini əhəmiyyətli dərəcədə azalda bilər.

Alimlər qeyd edirlər ki, çuğundurun tərkibindəki nitratlar qan dövranını yaxşılaşdırır, qan təzyiqini aşağı salır və damarların genişlənməsini təşviq edir. Bu tərəvəzi xüsusilə hipertoniya və digər ürək xəstəliklərindən əziyyət çəkən insanlar üçün faydalı edir.

Bundan əlavə, çuğundur fol turşusu ilə zəngindir, bu, homosistein səviyyəsini azaltmağa kömək edir - insult və infarkt riskinin artması ilə əlaqəli bir amin turşusu. Və tərkibində olan betasiyaninlər - təbii piqmentlər - güclü iltihab əleyhinə təsir göstərir.

Dietoloqlar çuğunduru pəhrizə qaynadılmış formada, salatlara və ya təzə sıxılmış şirə şəklində daxil etməyi məsləhət görürlər. Lakin böyrək daşı və ya mədə turşuluğu yüksək olan insanlar ehtiyatla istifadə etməlidirlər.

Kəşf sadə və sərfəli məhsulların ciddi xəstəliklərin qarşısının alınmasında əsas rol oynaya biləcəyinə daha bir sübutdur.