Türkiyənin ən zəngin iş adamlarının SİYAHISI

Forbes jurnalı Türkiyənin ən zəngin iş adamlarının siyahısını yeniləyib.

BAKU.WS Haber Global-a istinadən xəbər verir ki, keçən il 5,3 milyard dollarlıq sərvətlə zirvədə olan ad 10-cu yerə düşüb. Bəs, Türkiyənin 10 ən zəngin iş adamı siyahısında kimlər var?

2023-cü ildə 5,3 milyard dollarlıq sərvətlə Türkiyənin ən zəngin iş adamı adını alan Erdemoğlu Holdinqin İdarə Heyətinin sədri İbrahim Erdemoğlu səhmləri birjada dəyər itirdiyi üçün yerini qoruya bilməyib. Ümumi aktivləri 3 milyard dollardan çox itirən İbrahim Erdemoğlu 10-cu yerdə qərarlaşıb.

Ferit Şahenk isə siyahıda 9-cudur. Şahenkin cəmi aktivləri 2,2 milyard dollardır.

Mehmet Sinan Tara 2,4 milyard dollarla səkkizinci yerdədir.

Ekonomim-in məlumatına görə, Forbes jurnalının siyahısında yeddinci yerdə olan ad Həmdi Ulukayadır. Onun ümumi aktivləri 2,5 milyard dollardır.

Altıncı yerdə olan Erman Ilıcakın sərvəti 2,6 milyard dollardır.

Mustafa Rəhmi Koç 2,8 milyard dollarlıq sərvətlə Türkiyənin 5-ci ən varlı iş adamı olub.

Siyahıda dördüncü yerdə olan ad Şaban Cəmil Kazancıdır. Onun sərvəti (3,1 milyard dollar).

Koç ailəsinin üzvü Semahat Sevim Arsel 3,1 milyard dollar sərvətlə üçüncü yerdədir.

İpek Kıraç 3,2 milyard dollarlıq sərvətlə Türkiyənin ikinci ən zəngin adamı olub.

"Forbes" jurnalının siyahısında birinci yerdə "Yıldız Holdinq"in İdarə Heyətinin üzvü, "Pladis və Godiva" idarə heyətinin sədri iş adamı Murat Ülker yer alıb. Onun sərvəti 5,1 milyard dollardır.