"Spotify"da yeni funksiya istifadəyə verildi

Musiqi platforması "Spotify" istifadəçilər üçün yeni funksiyanı aktivləşdirib.

BAKU.WS xəbər verir ki, yenilik sayəsində istifadəçilər 10 nəfərə qədər üzvdən ibarət qruplar yarada biləcəklər. Bu qruplarda podkastların, pleylistlərin və audiokitabların paylaşılması, eləcə də yazışma imkanı mövcuddur.

Qeyd olunur ki, qrup söhbətlərinə yalnız daha əvvəl "Spotify" üzərindən qarşılıqlı əlaqə qurulmuş istifadəçiləri əlavə etmək mümkündür.

Qrup yaratmaq üçün tətbiqin "Mesajlar" bölməsinə daxil olaraq yuxarı hissədə yer alan "Qrup yarat" seçimi aktivləşdirilməlidir.

Yeni funksiya həm premium abunəçilər, həm də platformadan ödənişsiz istifadə edənlər üçün əlçatan olub.