Sarımsaq və balıq yağı xroniki xəstəliklərdən qoruyur və iltihabı azaldır

Sarımsaq və balıq yağı antioksidant və iltihab əleyhinə birləşmələr ehtiva edir. Onların birlikdə qəbulu xolesterin, qan təzyiqi və qan lipidlərinin səviyyəsini tənzimləyir, həmçinin xroniki xəstəliklərin riskini azaldır.

BAKU.WS xəbər verir ki, bu qarışım 2-ci tip şəkərli diabet, autoimmun xəstəliklər, yaşa bağlı neyrodegenerativ xəstəliklər və bəzi xərçəng növlərinə qarşı qoruyucu təsir göstərir.

Sarımsaq xolesterin və qan təzyiqini normada saxlayır, immuniteti gücləndirir və metabolik sağlamlığı dəstəkləyir. Balıq yağındakı Omega-3 yağ turşuları isə qan dövranını yaxşılaşdırır, iltihabı azaldır, damar funksiyasını qoruyur və beyin sağlamlığını dəstəkləyir, demensiyadan qoruyur.