Moskvadakı partlayışda ERMƏNİ İZİ

Fevralın 3-də Moskvada "Alıye parusa" yaşayış kompleksində baş vermiş partlayışla bağlı bəzi detallar üzə çıxıb.

Oxu.Az xəbər verir ki, yaşayış kompleksində həlak olmuş ikinci kişi kamikadze olub.

Bu barədə "112" "Telegram" kanalı öz mənbəsinə istinadən məlumat verib.

Qondarma "Dontesk Xalq Respublikası"nın boks federasiyasının erməniəsilli rəhbəri Armen Sarqsyanın ölümü ilə nəticələnən partlayışa səbəb qatilin bədənində yerləşdirdiyi MON-50 minası olub. A.Sarqsyan liftdən çıxan kimi qatil minanı işə salıb.

"Minanı partladanın daha əvvəl mühakimə olunmuş Ermənistan vətəndaşı olduğu güman edilir. İndi iki əsas versiya nəzərdən keçirilir - Ukrayna izi, "Arbat" erməni batalyonunun qurucusu kimi Sarqsyanın fəaliyyəti və tütün məhsulları bazarının yenidən bölüşdürülməsi. Sarqsyan xaricdən ölkəyə ən böyük tütün tədarükçülərindən biri olub", - məlumatda deyilir.