Dünya milyardlarla insanın həyatını dəyişəcək - Dəhşət istilik, quraqlıq və təbii fəlakətlər…

Dünya milyardlarla insanın həyatını dəyişəcək iqlim dəyişikliyinin astanasındadır.

BAKU.WS xəbər verir ki, "Nature Communications" jurnalında dərc olunan iqlimşünasların təzə proqnozlarına görə, 21-ci əsrin sonunda planetdə həddindən artıq temperatur dalğalanmalarının sayı kəskin artacaq.

Əgər istixana qazları tullantıları azalmasa, 2100-cü ilə qədər insan dözülməz istilər, uzun sürən quraqlıq və içməli su qıtlığı şəraitində indikindən iki dəfə çox insan yaşayacaq. Bəzi rayonlarda isə əksinə, buzlaqların əriməsi və dəniz səviyyəsinin qalxması ilə əlaqədar irimiqyaslı daşqınlar gözlənilir.

Son yarım əsrdə temperatur məlumatlarının təhlili göstərdi ki, ani iqlim dəyişikliklərinin tezliyi 60% artıb. Bu, təkcə ekosistemlərə deyil, həm də insan sağlamlığına, xüsusən də xroniki xəstəlikləri olan insanların sağlamlığına təsir göstərir. Hava şəraitinin qeyri-sabitliyi ərzaq təchizatına təsir edir, sosial qeyri-sabitliyi gücləndirir və miqrasiya axınını artırır.

"Trend davam edərsə, milyardlarla insan daimi əsasda təhlükəli iqlim anomaliyaları ilə üzləşəcək. Qlobal istiləşməni məhdudlaşdırmaq üçün qətiyyətli addımların atılması zərurəti daha da aydın oldu", - tədqiqatçılar vurğulayırlar.

Həyəcanverici proqnozlar fonunda alimlər temperaturun dəyişməsini qeyd etməyə davam edir və qlobal ictimaiyyəti təcili tədbirlər görməyə çağırırlar.