Bu gecə altı planet eyni zamanda səmada görünəcək

Bu gecə altı planet eyni zamanda səmada görünəcək
Foto
Digər 896

Bu gecə "planetlərin paradı"nı müşahidə etmək üçün ən yaxşı vaxtdır. Belə ki, Venera, Mars, Yupiter, Saturn, Uran və Neptun eyni zamanda görünmə zonasında olacaqlar.

Oxu.Az-ın verdiyi məlumata görə, bu barədə "Euronews" xəbər yayıb.

Bildirilir ki, Venera, Mars, Yupiter və Saturnu adi gözlə, Uran və Neptunu isə binokl və ya teleskopla görmək mümkün olacaq. "Planetlərin paradı" 21 yanvardan 25 yanvara qədər davam edəcək.

Venera və Saturn səma qübbəsinin cənub-qərbində, Yupiter cənubda, Mars isə cənub-şərq və ya şərqdə görünür. Bu planetlər digər ulduzlardan daha parlaq olacaq, Mars qırmızımtıl-narıncı nöqtə kimi görünəcək.

Yeri gəlmişkən, fevralın sonunda "parad"a Merkuri də qoşulacaq. Beləliklə, Günəş sisteminin bütün planetlərini görmək mümkün olacaq.

Qeyd edək ki, "kiçik parad" səmada dördə qədər planetin bir-birinə yaxın toplaşmasıdır və bu, kifayət qədər geniş yayılmış hadisədir. "Böyük parad" - beşdən artıq planetin bir yerdə görünməsi isə nadir hallarda baş verir.

Oxşar xəbərlər

İyulda cekpot bu bürclərin olacaq

İyulda cekpot bu bürclərin olacaq

2025-ci ilin iyul ayı bəzi bürclər üçün pul, uğur, gözlənilməz qazanc və taleyin qəfil dönüş nöqtəsi olacaq. Ulduzlar göstərir ki, bu bürclər "cekpot" effekti y...

1722 Digər 23:59 05 iyul 2025

Son xəbərlər