Almaniyada isti hava səbəbindən ölənlərin sayı artıb

Almaniyada iyunun son həftəsində anomal istilər səbəbindən ölənlərin ümumi sayı artıb.

BAKU.WS "Report"a istinadən xəbər verir ki, bu barədə yerli media Federal Statistika İdarəsinin məlumatlarına istinadən məlumat yayıb.

"İyunun 22-dən 28-dək olan müddətdə son üç ilin orta göstəricisi ilə müqayisədə 5 655 nəfər çox insan ölüb. Ümumilikdə, bu il iyunun son həftəsində qeydə alınan ölüm hallarının sayı 23 655 təşkil edib", - statistika idarəsinin məlumatında bildirilib.

Almaniyada, xüsusən də Saksoniya-Anhaltdakı Mökkern-Drevitsdə bu yaxınlarda temperatur 41,8 dərəcəyə çatıb.