22 yaşlı YouTuber Storm De Beul-un acı sonu!

Təbiətlə bağlı videolar çəkən 22 yaşlı YouTuber Storm De Beul Finlandiyada qar fırtınası zamanı donaraq ölüb. Atası itirilmiş kamerasını tapmaq üçün yola çıxacağını söylədi.

BAKU.WS "Dexerto"ya istinadən xəbər verir ki, De Beul 30 oktyabr 2024-cü ildə yerli hakimiyyət orqanları tərəfindən ölü tapılıb. 22 yaşlı gənc Lapland dağlarında təkbaşına gəzinti zamanı şiddətli qar fırtınasının ortasında qalıb.

YouTuberın son anları ilə bağlı bəzi mesajlar üzə çıxıb. O, nənəsinə "Burada qar çox yağır. Amma narahat olma, sağ qalacam. Bilirsən" deyə xəbər göndərib.

Sonuncu videonu dostuna göndərən De Beul qarın nə qədər ağır olduğunu "Bu gecə daha da pisləşəcək" deyərək göstərib.

YouTube-da əyləncəli məzmunlar videolar paylaşan De Beul ölümündən əvvəl İsveç səhrasında keçirdiyi sərgüzəştlər haqqında 14 video paylaşıb. Bu videoların bir çoxu minlərlə dəfə baxılıb. Onun son yükləməsi izləyicilərin başsağlığı göndərməsi ilə 50 000 baxışa yaxınlaşıb.

Atasının dediyinə görə, maddi cəhətdən yaxşı imkanı olan 22 yaşlı De Beul mütəmadi olaraq texnologiyadan uzaq bir həyat sürməyə üstünlük verirdi. Tək qalmağı xoşladığı üçün tez-tez tək başına kəşfiyyatlara gedirdi. Anası açıqlamasında deyib: "Onun cansız bədəni tapılarkən ayaqları donmuşdu. Əllərinin donmaması onun hələ də yanında əl qızdırıcılarının ola biləcəyini deməyə əsas verir".

Onun burnunun sındığı da bildirilib ki, bu da onun hardansa yıxılmış ola biləcəyini göstərir. Kədərli ana "Uzun müddət əziyyət çəkib, tək ölüb. Onun son anlarını göz önünə gətirəndə özümü bərbad hiss edirəm" deyib.